Түймебай Әшімбаев атындағы орта мектебінде 2024 жылы 29 ақпан күні балалар әдебиетінің бәйтерегі, жазушы Бердібек Соқпақбаевтың -100 жылдығына орай «Балалықтың бал сыры – қаламынан тараған» атты аудандық кітапханашылар семинары өтті.
Мақсаты: Оқырмандарға жазушы өмірі мен шығармашылығымен таныстыра отырып, әлемге танылған әйгілі шығармасы туралы білімдерін толықтыру. Білім алушылардың ой – өрісін дамыта
отырып, көркем шығармаларды оқуға деген қызығушылығын ояту арқылы сөйлеу мәдениетін қалыптастыру.
Аудандық семинарға Шу ауданының білім бөлімінің әдіскері Сабалақова Гүлзат Қасымханқызы және әр мектептің кітапханашылары қатысты.
Семинарды мектеп директоры А.А.Байгисиева мен білім бөлімінің әдіскері Г.Қ.Сабалақова ашып берді. Семинарда О.Жандосов атындағы орта мектебінің кітапханашысы Апашева Зарина «Берен талант Бердібек» атты кітап көрмесін көрсетіп таныстырса, Т.Әшімбаев атындағы орта мектебінің кітапханашысы Н.Е.Оспанбекова «Халқы сүйген қаламгер» атты оқырман конференциясын өткізді. М.Дулатұлы атындағы орта мектебінің кітапханашысы Қ.Отарбай «Бердібек жасаған Қожаберген» атты коучинг сабағында кітапханаға қатысты жаңа әдіс-тәсілдерімен бөлісті. Т.Әшімбаев атындағы орта мектебінің білім алушылары «Оқуға құштар мектеп» жобасы бойынша Б.Соқпақбаевтың шығармаларын айтып, «Менің атым - Қожа» атты фильмінен үзінді көрініс көрсетіп, семинар соңы сазды бағдарламамен аяқталып, қорытындысында семинарға қатысқан кітапханашылар мен ұстаздар Алғыс хатпен марапатталды.
